23.10.2025

“Се собравме ние денес,

овде, во беломорскиот Солун,

ние шестмината: Татарчев, Груев, Поп Арсов,

Димитров, Хаџи Ников, Батанџиев,

ние шестмината,

со нова искра надеж, оган да потпалиме.

Се собравме,

да го расфрлиме семето на револуцијата

по плодната македонска почва,

и во секој град, во секое село, во секое маало,

ќе никнат револуционери,

ќе пораснат комити и војводи,

Напролет ќе излезат четите,

и ќе ги има многу, многу,

зад секоја ритка, во секоја гора.”

Во Дом на АРМ- Струмица, со пригодна свеченост одбележан Денот на македонската револуционерна борба.

Рециталот, вообичаено, во изведба на членовите на рецитаторската секција при Дом за деца и млади “Благој Мучето”. За значењето на празникот зборуваше новоизбраниот градоначалник на Општина Струмица, Петар Јанков.

Програмата беше збогатена со учество на млади музичари од ОМУ “Боро Џони”, како и со настапот на игроорците од “Фолклорна низа”.