17.09.2024

Реализирани последните блок часови од проектот ,,Роза Мојсовска- ликовен уметник којашто црта со уста“. Во овој проект учествуваа ученици од ООУ ,,Герас Цунев,, – Просениково, нивната менторка Слободанка Митева и ученици од ООУ ,,Видое Подгорец“- Струмица и нивната менторка Македонка Ангелова Стоилова.

На овој час Роза Мојсовска им црташе “Пеперутка на цвет” со темперни бои и воедно им објаснуваше како таа слика и работи, а потоа децата работеа сaмостојно во консултации со Роза и нивните менторки.

Настанот заврши со фотографирање на мини изложба од создадените дела во овој проект и некои ликовни творби од претходните години.

На крај-дружба на сите учесници во проектот и разговор за самиот проект, размена на мислења.

Овој проект се реализира трета година по ред.